(+99412) 342 68 58 info@absheron-hac.az

Abşeronda “Gender Bərabərliyi” və “Məişət Zorakılığı” mövzusunda seminar keçirilib

24-10-2016, 11:15 408 xeberler, tedbirler

Abşeronda “Gender Bərabərliyi” və “Məişət Zorakılığı” mövzusunda seminar keçirilib


“Gender və İnsan Hüququ” Araşdırma Birliyi (GİHAB) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Məişət zorakılığı və Azərbaycan 25 ildə gender mədəniyyətinə doğru” adlı layihəsi çərçivəsində Abşeron rayonunda müxtəlif əhali qruplarının iştirakı ilə maarifləndirici seminar-treninq keçirib.

Tədbir əsasən Ulu Öndər Heydər Əliyev və Prezident İlham Əliyev tərəfindən imzalanmış gender problemləri, məişət zorakılığı ilə bağlı Azərbaycanda 25 ildə təsbit olunan milli qanunvericiliyin təbliğinə və bu istiqamətdə görülən işlərin cəmiyyətin həyatına təsir mexanizmlərinin müzakirəsinə həsr olunub.

Abşeron rayon Heydər Əliyev Mərkəzində baş tutan tədbirdi giriş sözü ilə açan layihənin eksperti Rəna Mirzəzadə vurğulayıb ki, müstəqilliyimizin 25-ci ildönümünü qeyd etdiyimiz bir dövrdə belə məişət zorakılığı ilə bağlı problemlər hələ də öz aktuallığını saxlamaqdadır. Ekspert qeyd edib ki, inkişaf edən, dəyişən, modernləşən Azərbaycanda gender mədəniyyəti kontekstində gender zorakılığı qismən də olsa özünü cəmiyyətdə, ailədə biruzə verməkdədir və məhz bu baxımdan da milli qanunvericiliyin ölkə əhalisinə, həm yaşlı, həm də gənc nəslə maarifləndirmə yolu ilə çatdırılması və eyni zamanda ölkədə gedən islahatların nəticəsi kimi gender mədəniyyəti ilə bağlı uğurların da ictimaiyyət arasında təşviqi və təbliği zəminində maarifləndirmə, məlumatlandırma işinin aparılması zəruridir. Eyni zamanda, ekspert R.Mirzəzadə genderlə bağlı Azərbaycanda inkişaf motivlərini açıqlayaraq, bu fonda məişət zorakılığının da növləri, tipologiyası və onu yaradan səbəblər və həmçinin aradan qaldırılma yolları haqda da geniş məlumat verib.

Tədbir interaktiv formada aparılıb, iştirakçıların da problemlə bağlı fikirlərinin bölüşdürülməsinə, düşüncələrinin öyrənilməsinə də yer verilib. Həmçinin bu məqsədlə seminar-treninq iştirakçılarına anket-sorğu blankları paylanıb.

Abşeron RİH-nin böyük məsləhətçi - Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Hafiz Mikayılov çıxış edərək deyib ki, bu gün planetin ən mühüm problemlərindən biri olan məişət zorakılığının qarşısının alınması üçün güclü qanunvericilik və dövlət dəstəyi ilə yanaşı, cəmiyyət özü, xüsusilə vətəndaş cəmiyyəti zorakılıq hallarına adekvat reaksiya verməlidir. Yalnız birgə səylərlə əməli nəticələr əldə etmək mümkündür.

Toplantıda sosial məsələlər üzrə ekspert Hüseyin İbrahimovun da çıxışı maraq doğurub. Natiq iqtisadi və sosial inkişaf baxımından yenilənən respublikamızda insanların şüurlarınında da yenilənməsinin zəruru olduğunu qeyd edərək, bu zəmində vətəndaşların öz hüquqlarını bilməsinin vacibliyini vurğulayıb. Bu səpgidə ekspert xarici ölkələrin təcrübəsindən nümunələr gətirməklə, problemin məhz milli xüsusiyyətləri nəzərə alaraq həllinin daha məqsədə uyğun olduğunu vurğulayıb və bütün vətəndaşları bu sahədə öz diqqətlərini laqeydlikdən cəmiyyətin saflığına yönəltməyə çağırıb.

Yığınçaqda müzakirəyə qatılan ictimaiyyət fəallarının hər biri problemlə bağlı öz fikirlərini bildirməklə yanaşı, həm də təklif və tövsiyələr də veriblər. Həmçinin tam əksəriyyət bu kimi məsələlərin mütəmadi olaraq həm də tələbələr və orta məktəbin yuxarı sinif şagirdləri arasında müzakirə edilməsinə ehtiyac olduğunu göstəriblər.

Yekunda tədbir iştirakçıları GİHAB-ın layihə çərçivəsində həyata keçirdiyi seminar-treninqlərə görə həm Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının, həm də yerli icra hakimiyyətinin rəhbərliyinə təşəkkürlərini bildirib və gələcəkdə mənimsədikləri bilgilərin öz fəaliyyətlərində tətbiq edəcəklərini qeyd ediblər.

Abşeronda “Gender Bərabərliyi” və “Məişət Zorakılığı” mövzusunda seminar keçirilib
Abşeronda “Gender Bərabərliyi” və “Məişət Zorakılığı” mövzusunda seminar keçirilib
Abşeronda “Gender Bərabərliyi” və “Məişət Zorakılığı” mövzusunda seminar keçirilib
Abşeronda “Gender Bərabərliyi” və “Məişət Zorakılığı” mövzusunda seminar keçirilib
Abşeronda “Gender Bərabərliyi” və “Məişət Zorakılığı” mövzusunda seminar keçirilib

Oxşar xəbərlər


Copyright © 2016 Abşeron Rayon Heydər Əliyev Mərkəzinin rəsmi internet saytı. Müəllif hüquqları qorunur.
Bağla