Bu gün 18 May Beynəlxalq Muzeylər günüdür.
Muzeylər mənəvi dəyərləri toplayan , qoruyan, təbliğ edən müəssisələrdir. Respublika muzeylərində bu sahədə böyük iş aparılır. Həmin gün bütün muzeylərimizdə bu peşə bayramı qeyd edilir.
Bu münasibətlə Sumqayıt Regional Mədəniyyət İdarəsinə tabeli Abşeron rayon Heydər Əliyev Mərkəzi və Rayon Tarix - Diyarşünaslıq Muzeyinin birgə təşkilatçılığı , Xırdalan şəhər 11 illik Musiqi məktəbi və Xırdalan 4 saylı tam orta məktəbin şagirdlərinin iştirakı ilə “ Tarixi irsimizi qoruyaq! “ adlı tədbir keçirildi.
Tədbir Azərbaycan Respublikasının Dövlət Himni ilə açıq elan edildi.
Tarix - Diyarşünaslıq Muzeyinin direktoru Cəmilə Kərimova tədbirdə çıxış edərək Beynəlxalq Muzeylər Gününün təsis edilməsindən , Rayon Tarix - Diyarşünaslıq Muzeyinin yaranma tarixindən söz açdı.
Abşeron rayon Heydər Əliyev Mərkəzinin direktoru Tükəzban Həsənova muzeylərin maddi- mənəvi irsin qorunmasında rolu, Ulu Öndər Heydər Əliyevin Muzeylərə diqqət və qayğısından söz açdı.
Xırdalan 4 saylı tam orta məktəbin şagirdləri şeirlər səsləndirdilər.
Xırdalan 11 illik Musiqi Məktəbinin şagirdləri musiqi nömrələri ilə çıxış etdilər.