(+99412) 342 68 58 info@absheron-hac.az

Abşeron məktəbliləri arasında inşa müsabiqəsi keçirilir

3-05-2022, 17:54 10 tedbirler

Abşeron məktəbliləri arasında inşa müsabiqəsi keçirilir


Abşeron məktəbliləri arasında inşa müsabiqəsi keçirilir

Abşeron rayonunda fəaliyyət göstərən ümumi təhsil müəssisələrində oxuyan şagirdlər arasında “Qarabağ zəfəri – Heydər Əliyev dühasının təntənəsidir” mövzusunda inşa-yazı müsabiqəsi keçirilir. Abşeron Rayon İcra Hakimiyyətinin təşəbbüsü, rayon Təhsil Şöbəsinin və Sumqayıt Regional Mədəniyyət İdarəsinə tabe olan Abşeron rayon Heydər Əliyev Mərkəzinin birgə təşkilatçılığı ilə ərsəyə gələn müsabiqə Ümummilli Lider Heydər Əliyevin anadan olmasının 99-cu il dönümünə həsr edilib.

Vətən Müharibəsində xalqımızın qazandığı zəfərinin və Ulu Öndər Heydər Əliyevin bu qələbədə zəngin siyasi irsinin rolunun təbliği məqsədi daşıyan inşa yarışında IX, X, XI siniflərin şagirləri iştirtak edir. Üç mövzuda (“Qarabağın zəngin təbii sərvətləri”, “Qarabağın zəngin tarixi – mədəni sərvətləri”, “Şuşa – Qarabağın incisidir”) reallaşan müsabiqəyə bütün məktəblərə hər 3 istiqamət üzrə hazırlanan yazıları təqdim etmək imkanı yaradılıb.

Bu gün Heydər Əliyev Mərkəzində “Şuşa – Qarabağın incisidir” movzusunda yazılan inşa-yazıların münsiflər heyəti tərəfindən dinlənilməsi həyata keçirilib. Dinləmələrdə Abşeron rayon İcra Hakimiyyətinin ictimai, siyasi, humanitar məsələlər üzrə başçının müavini Gülnar Rəhimova, rayon Təhsil Şöbəsinin metodistləri, əməkdar müəllimlər, İctimai Şuranın və Heydər Əliyev Mərkəzinin rəhbərliyi və jurnalistlərdən ibarət münsiflər heyəti iştirak edib.

Qeyd edək ki, hər üç movzuda dinləmələr başa çatdırdan sonra qaliblər müəyyənləşəcək. Sonda hər istiqamət üzrə I yerə layiq görülən qaliblərə qiymətli hədiyyələr və Fəxri Fərmanlar, digər bütün iştirakçılara isə “Təşəkkürnamələr” təqdim ediləcək.
Abşeron məktəbliləri arasında inşa müsabiqəsi keçirilir
Abşeron məktəbliləri arasında inşa müsabiqəsi keçirilir
Abşeron məktəbliləri arasında inşa müsabiqəsi keçirilir
Abşeron məktəbliləri arasında inşa müsabiqəsi keçirilir

Oxşar xəbərlər


Copyright © 2016 Abşeron Rayon Heydər Əliyev Mərkəzinin rəsmi internet saytı. Müəllif hüquqları qorunur.
Bağla